Gamaaggamni Raawwii Hojii Manneen Murtii Magaalaa Shaggar kan bara 2018 gaggeeffame.

Gamaaggamni Raawwii Hojii Manneen Murtii Magaalaa Shaggar kan bara 2018 gaggeeffame.

       ===//===

Gamaaggamni Raawwii Karoora Hojii Waggaa Manneen Murtii Magaalaa Shaggar kan bara 2018 gaggeeffame.

Waltajjii gamaaggama raawwii hojii Manneen Murtii Magaalaa Shaggar kana irratti haasaa baninsaa kan taasisan Pirezidaantii Mana Murtii Olaanaa Magaalaa Shaggar kabajamoo obbo Kumalaa Buusaa haasaa taasisaniin bara kana tajaajila abbaa seerummaa moosaajii Shagar e-court hojiirra oolchuudhaan guutummaatti waraqaa maleessa taasisuudhaan karaa Dijitaalaatiin tajaajilli kennamaa ture dhaqqabamummaa fi Si'oomina tajaajila abbaa seerummaa mirkaneessuudhaan bu'aan argame olaanaa ta'uu fi tajaajilli kun qulqullina kenninsa tajaajila abbaa seerummaa fooyyessuu keessattis bu'aan argame olaanaa waan ta'eef milkaa'ina argame kana keessatti qaamolee gahee qaban hunda galateeffatanii jiru.

Daariktera Daarektoreetii qorannoo fi atoominaa Mana Murtii Waliigalaa Oromiyaa kabajamoo Obbo Tacaan Margaa waltajjicha irratti argamuun kallattii hojii kennaniin hojiilee akka manneen murtii magaalaa shaggaritti gama hundaan hojjetamaniin milkaa’inni argame olaanaa ta’uu kaasuudhaan qaamolee hojii kana milkeessan hunda galateeffatanii jiru. Itti dabaluudhaan kenninsa tajaajila abbaa seerummaa daran qulqulluu taasisuuf gaheen qaamolee garagaraa akkuma jirutti ta’ee, manneen murtii tajaajilli kennamu qulqulluu akka ta’u ciminaan hojjechuun barbaachisaadha jedhanii, gama si’oominaatiin raawwiin bara kana jiru karooraa ol ta’uun milkaa’ina waan ta’eef ciminaan irratti hojjechuun barbaachisaadha jedhan. Dabalataan raawwiin manneen murtii aadaa raawwii manneen murtii idileetiin ol ta’uun cimina olaanaadha jedhanii, raawwii bara kanaatiin osoo hin dagatiin harcaatiiwwan gama maraan jiran irratti hojjechuun barbaachisaadha, moosaajiiwwan garagaraa misoomaa jiranis daran bilchaatee akka manneen murtii hundaatti kan waliinii akka ta’u irratti hojjetamuu qaba jedhan.

Bara kana akka manneen Murtii Magaalaa Shaggaritti dhimmoonni hundi karaa Dijitaalaatiin kan saaqaman yoo ta'u, mana murtii olaanaatti dhimmoonni hundi karaa dhagaha halaalaatiin kan keessummeeffamaa turanii fi manneen murtii aanaalee kutaalee magaalaattis akkuma bu'aa qabeessummaa isaatti dhagahi halaalaa mijeeffamee akkasumas qaamaan keessummeeffamaa tureera.

Sadarkaa raawwiitiin wal qabatee akka manneen Murtii Magaalaa Shaggaritti Manneen Murtii sadarkaa lamaanittuu galmeewwan 36,102 dhiyaatan keessaa 35,361 furmaata kan argatan yoo ta'u raawwiin gama si'oominaa tiin jiru 97.95 % ta'e, raawwii kan bara kamiiyyuu caalaa milkeessuun danda'amee jira. Dhimmoota dhiyaatan kanneenis dhibbeentaa 98.39 % daangaa seeraan kaa’ame keessatti kan xumura argatan ta’uun akka ciminaatti gamaaggamamee jira.

Gama biraatiin, Manneen Murtii Magaalaa Shaggar hunda Kaameraadhaan walitti hidhuudhaan, giddugala to’annoo haalaa (Situation room) Mana Murtii olaanaa irraa manneen Murtii Aanaalee kutaalee magaalaa hunda to’achuu danda’uu fi giddugala bilbila gabaabaa hundeessuudhaan akkasumas ogeessotaaf leenjii barbaachisu kennuudhaan abbaan dhimmaa halaala irraa dhimma isaa akka hordofatu haala mijeessuun, hojiilee dijitaalaayizeeshinii hojjetamaa jiran kanas godinaalee Oromiyaa birootiif qooduu akkasumas qaamolee garagaaraatiif hojiillee mana murtii beeksisuun akka ciminaatti kan gamaaggamame yoo ta’u, harcaatiiwwan keessummeessaan wal qabatan caalumatti akka furamus kallattiin kennameera.

Waltajjii gamaaggamaa kana irratti Moosaajiiwwan haaraa misoomfaman 1ffaa Moosaajii Hojiiwwan Bulchiinsaa Mana Murtii Walitti hidhu ( Qabeenya namaa fi maallaqaa akkasumas caasaa humna namaa Manneen murtii Magaalichaa bulchuuf kan gargaaru), 2ffaa Forum Management system kan jedhamu Qaboo Yaa'ii waltajjiiwwan Koree Bulchiinsaa fi Mariiwwan garagaraa akkasumas to'annoo hojjetaa karaa Dijitaalaatiin hoogganuuf kan gargaaru, 3ffaa Moosaajii Madaallii Naamusa Hojjettootaa fi Madaallii Raawwii hojii Hojjettoota Manneen murtii ogeessotaan misoomfame dhiyaatee kan irratti mari’atame yoo ta’u, moosaajiiwwan kunneen hundi walitti hidhamanii waliigalatti hojiiwwan bulchiinsaa Mana murtii keessatti raawwataman hunda karaa waraqaa irraa bilisa ta'een karaa Dijitaalaatiin tajaajilli akka kennamuu fi ragaan isaas karaa digitaalaan akka qabamu karaa qindaa'een walitti hidhamiinsa godhatee nageenyummaan isaa haala amansiisaa ta'een cimee tajaajilli Manneen Murtii Magaalaa Shaggariin kennamu Shaggar e-court irraa guutummaatti gara Shaggar e-court service tti cehee akka hojiirra oolu akkasumas tajaajilli abbaa seerummaa Manneen Murtii Magaalaa Shaggariin kennamu gama dhaqqabamummaa fi si’oominaatiin, bilisummaa fi itti gaafatamummaa akkasumas gaarummaa bulchiinsa keessootiin milkaa’inni argame, gama qulqullinaatiinis harcaatiin jiru daran akka fooyya’u, raawwii bara kana argame caala hojjechuun, harcaatiiwwan jiran irratti hojjechuun akka barbaachisu pirezidaantii Mana Murtii Olaanaa Magaalaa Shaggar Kab/ObboKumalaa Buusaa fi I/A/Pirezidaantii Mana Murtii Olaanaa Magaalaa Shaggar Kab/Aadde Najaat Mahaammad tiin kallattiin kennameera.

Waltajjicharratti Koreen Hooggansa, Hordoffii fi Deeggarsa Kilaastera Giddugaleessaa Mana Murtii Waliigalaa Oromiyaa, Koree Bulchiinsaa Mana Murtii Olaanaa fi kan kanneen Manneen Murtii Aanaalee Kutaalee Magaalaa hirmaatanii kan jiran yoo ta’u, waltajjichi qopheessummaa Mana Murtii Aanaa Kutaa Magaalaa Sabbataatiin, Magaalaa Sabbataatti kan gaggeeffamedha.

Komunikeeshinii Mana Murtii Olaanaa Magaalaa Shaggar

Waxabajjii 27/2018

Shaggar

Odeeffannoo dabalataatiif Bilbila gabaabaa 8794 irratti sa’aatii hojiitti bilbilaa.

Toora marsariitii (Website) https://shaggarcitycourt.gov.et/ daawwadhaa!

Gaabasa Raawwii hojii bara 2018

Manni Murtii Ol’aanaa Magaalaa Shaggar gabaasa raawwii hojii Bara 2018 Koree Dhaabbii Dhimma Bulchiinsaa fi Seeraa Mana Maree Magaalaa Shaggariif dhiyeessee jira.

‎Finfinnee Waxabajjii 20 bara 2018

‎•••//•••

‎Hojiiwwan bara 2018 keessatti karoorfamanii hojjetaman kallattii Qulqullinaa Dhaqqabamummaa, Si’aayinaa, Bu’a Qabeessummaa tajaajila abbaa seerummaa fi Bilisummaa, Itti Gaafatamummaa, Iftoomina Mana Murtii, abbaa seeraa akkasumas gaarummaa bulchiinsa keessoo cimsuun raawwataman dhiyaatanii mariin irratti gaggeeffameera.

‎Keessattu Manneen Murtii Magaalaa Shaggar bara kana keessa tajaajila abbaa seerummmaa Kara dijitaala Shaggar E-courtn kennama jiru akkaa biyyaatti fakkeenyummaa guddaa kan argatte ta'u ibsame jira.

‎

‎Kominiikeeshinii Mana Murtii Ol’aanaa Magaalaa Shaggar.

Muuxannoo Wal Jijjiirraa

Itti fayyadama Moosaajii Shaggar E-court irratti Abukaattotaaf hubannoon kenname

Leenjiin Qulqullina Kenninsa Tajaajila Abbaa Seerummaa fooyyessuu irratti fuulleffate Abbootii Seeraa Manneen Murtii Magaalaa Shaggariif kennamuu eegale.

Koreen Bulchiinsaa Mana Murtii Olaanaa Godina Shawaa Lixaa Mana Murtii Olaanaa Magaalaa Shaggar irraa Muuxannoo qooddate.